Pour aller, sans craindre la mort,
Secourir Monsieur de Beaufort,
Et saccager cette canaille
Qui ne nous garde rien qui vaille :
Quoy qu’ON en jase ou qu’ON en dit,
Si leur Chef est de Dieu mondit,
Le reste ne vaut pas grand chose ;
Baste, retournons à la cause
De ce bruit qui nous allarma,
ON ne sçait ce qui le forma :
Mais il nous vint vne nouuelle,
Que ce n’estoit que bagarelle,
Que l’ON ne bougeast de Paris,
Que l’ennemy n’auoit rien pris,
Et qu’ON faisoit trop bonne garde.
On remit donc la hallebarde,
La picque auecque le mousquet
Au rattelier, croc ou crochet.