Anonyme [1649], SVITE ET SECONDE PARTIE DV BVRLESQVE ON DE CE TEMPS ; QVI SCAIT, QVI FAIT, ET QVI DIT TOVT. , françaisRéférence RIM : M0_611. Cote locale : C_8_5.
C’est à regret qu’on dit canaples De tout le Royaume de Naples, Depuis que par vn grand malheur Le Turc en est le possesseur, Grand mercy à son Eminence, Qui destournant nostre Finance Qu’on enuoyoit à son secours, Luy faisant prendre vn autre cours, En a garny Portolongone Et le beau siege de Cremone, Cimetiere de maint soldat. N’est-ce pas vn grand coup d’Estat, Qu’vn qui se dit Prince d’Eglise, Pour se vanger du Duc de Guise, Qui ne l’a iamais offensé, Ait permis, comme vn insensé, Qu’vne gent impie & barbare Autant que Scithe & que Tartare, Plante maintenant le Croissant Dans vn Royaume si puissant Qui s’offroit à nous de luy-mesme ? Mais retournons à nostre theme.
On nous allarma de grands cris, Que Vitry auoit esté pris Par les Mazarines cohortes ; Ce bruit vint iusques à nos postes, Toutes les gardes des Bourgeois, En se mordant le bout des dois, A ces surprenantes allarmes, Alloient desia saisir les armes
Anonyme [1649], SVITE ET SECONDE PARTIE DV BVRLESQVE ON DE CE TEMPS ; QVI SCAIT, QVI FAIT, ET QVI DIT TOVT. , françaisRéférence RIM : M0_611. Cote locale : C_8_5. |