Anonyme [1649 [?]], STOMACHATIO BONI POPVLARIS. , latinRéférence RIM : M0_3719. Cote locale : A_4_34.
-- 4 --
atque vrbibus sustentandis sufficere possit, vnius Adulatoris
ingluuies hauriat ; non liceat viris, bonis queri ; non liceat
æquis Senatoribus contra mutire ? Quòd si Deus Opt. Max.
singulari nuper in Galliam beneficio Magistratibus nostris
indiderit hanc mentem, vt largitiones aulicas restringi, vt
Publicanorum latrocinia coërceri, vt impium Siculum è dominatu
excuti velint, atque vt innocentissimo Regi, cùm in
suam tutelam venerit, regnum florens cum beneuolo subditorum
omnium animo exhibeatur : extent nonnulli, qui se
ciues bonos, qui se Christianos, qui se Gallos denique dici
cupiant, audeant tamen tam piis conatibus atque consiliis,
ipsique diuinæ Prouidentiæ, quæ se prodit, pertinacissimè resistere.
O perfidiam ! ô scelus ! ô atrox, si Christianè loqui
liceat, aduersus Spiritum sanctum patratum piaculum ! At
enim vos Scripturas sanctas obtenditis, & quæcunque in optimorum
Regum commendationem dicuntur, è locis communibus
congeritis. Benè id quidem : Reddite quæ sunt Cæsaris,
Cæsari. Cui tributum, tributum, &c. Aguoscimus vocem Christi
Domini. Sed liceat vos interrogare mutuò. Est ne Iulius Mazarinus
Rex vester ? Non est ille quidem ; sed est gubernantis
Reginæ Administer. An ipsi idem honor debetur qui Reginæ?
Neque quam Quærimus porrò, Regina ipsa est-ne eodem
iure, eadem potestate prædita, qua erit Rex, cum in pubertatem ?
venerit ? Minimè verò : plurima enim sunt quæ à
Gubernantibus Reginis decerni non possunt. Cut ergo, si
Reginæ ipsi omnimoda potestas non competit, vultis muliebri
Administro omnia licere ? Sed inutiliter tempus teritur
in illa refutanda sentenria Programmate, satyris inale dictis,
diris denique fatigandus est ac proscribendus ille homuncio,
ne quid asperiùs dicamus. Verumtamen majora molimur.
Anonyme [1649 [?]], STOMACHATIO BONI POPVLARIS. , latinRéférence RIM : M0_3719. Cote locale : A_4_34.
|