Edoüard I. Ce bon Prince estendit son
amour iusques au fils qu’il fit nourrir auec le petit
Edouard son fils. Ce Gauerston sçeut par son
adresse, & par ses artifices tellement gagner l’esprit
de ce ieune Prince, qu’il mesprisoit les enfans
des autres Grands du Royaume. Gauerston
par vn desir insatiable d’acquerir des richesses,
iouoit si bien son personnage, que feignant n’estre
attaché à ce ieune fils de Roy, que par vne amour
sans interest, fit amas de tresors ; & il eut
tant de subtilité, qu’il s’en accommodoit auec
des Marchans qui trafiquoient sur mer. Mais
comme l’aage creut à Gauerston, la malice creut
quant & quant, & se rendit si insuportable, que
pour les plaintes qu’on fit de luy, le Roy fut contraint,
par l’aduis commun des plus Grands, de le
chasser de son Royaume. Cét Edouard surnommé
le bon Roy, apres auoir regné trente cinq
ans, se sentant proche de sa fin, fit venir son fils
pour receuoir sa benediction, auec ses dernieres
volontez. Entre toutes les autres, il luy commanda,
sur peine d’encourir sa malediction, de
ne reuoquer iamais d’exil ledit de Gauerston
qui auoit esté chassé de son Estat par la sentence
des Seigneurs du Pays : Si ce n’estoit qu’ils fussent
tous d’accord de cette reuocation. Ce braue
Monarque connoissoit combien il estoit important

Page précédent(e)

Page suivant(e)