Anonyme [1650], REQVESTE PRESENTÉE A MESSIEVRS DE L’ASSEMBLÉE DV CLERGÉ ; par la Noblesse. TENVE A PARIS AVX
Augustins 1650. , françaisRéférence RIM : M0_3500. Cote locale : B_10_14.
-- 5 --
La Noblesse voit & sent la perte de
tous ses Priuileges & sa ruine totale, &
le peuple gemit souz le fais des persecutions,
sans qu’ils puissent chercher les remedes
& le soulagement de leurs maux.
Les plaintes publiques ne sont point receuës
par la bouche d’vn particulier sans
adueu, & cét adueu ne se peut donner que
dans les Assemblées publiques, dont la
seule proposition rend les hommes criminels.
Il ne reste donc aucun moyen ny esperance
au peuple ny à la Noblesse pour la
conseruation de leurs Priuileges, qu’en
vostre seule entremise.
Vous presentez tous les iours des prieres
& des suffrages à Dieu pour le salut
& conseruation de son peuple ? pourquoy ne
receurez vous pas ses iustes plaintes pour
les offrir & presenter au Roy, puisque
vous estes en pouuoir de le faire.
On ne desire pas de vous que vous faciez
des propositions desaduantageuse au
Roy. Le peuple & particulierement la
Noblesse ne cherche son bien ny son repos,
Anonyme [1650], REQVESTE PRESENTÉE A MESSIEVRS DE L’ASSEMBLÉE DV CLERGÉ ; par la Noblesse. TENVE A PARIS AVX
Augustins 1650. , françaisRéférence RIM : M0_3500. Cote locale : B_10_14.
|