dommage ; C’est, SIRE, le veritable suject de
la deliberation & de la commission qui nous
a esté donnée.

Le Parlement en vne occasion si importante
que celle de l’emprisonnement de deux
Princes du sang, & d’vn Gouuerneur de Normandie,
à creu que la posterité luy reprocheroit
auec iustice, s’il leur desnioit sa voix ; Apres
quoy on pourroit dire si les ordres de la
Monarchie n’estoient point violés, que cet
emprisonnement est l’execution d’vn iugement
qui porte condamnation d’vne prison
perpetuelle : Faut-il pour auoir esté plus malheureux
que coulpables, que la France soit
priuée du secours qu’elle peut attendre de leur
seruice, & de leur courage ; & qu’ils souffrent
vne peine qu’ils n’ont point meritée ; Pour
estre esloignés des yeux, ils ne le seront iamais
des cœurs & des affections des veritables
François, les pierres qui les enuironnent parleront
si hautement en leur faueur, que les
passants les ayant oüyes, porteront leurs gemissements
dans les Prouinces les plus esloignées,
& exciteront vn chacun, ensorte qu’il
sera difficile d’en preuenir les effets : Tant d’actions
si illustres, tant de batailles haignées,
n’obtienderont-elles point quelque consideration