sera le temeraire, ou qui aura seulement enuie
de l’entreprendre ? Et qui sera l’orgueilleux
qui ne s’humiliera point deuant sa face. Il y a
vn grand espace de temps que nous cherchions
ce precieux joyau ; nous n’auons pas
perdu nos peines en vain, puis que nous l’auons
trouué ; nos trauaux sont finis ; nos forces
se sont augmentées ; nos esprits sont satisfaits ;
& nos corps s’opposeront iusques à la
mort pour le conseruer. Nostre Climat est
doux nos terres sont fertilles, nos eaux claires
& luyssantes ; Qui pourra empescher, que
cette illustre fleur ne nous monstre ses ordinaires
beautez & ses suaues odeurs. MONSEIGNEVR,
elle est icy, laissez nous
en jouyr pour tousiours, elle regnera par
vous, & vous ferez venir la Paix en France
par son moyen ; vous estes né pour cela &
elle aussi. Cette gracieuse Minerue n’a que
trop de pouuoir & de vertu pour empescher
les tumultes & les debats que peut causer
cette intestine guerre ; Nous voyons déja le repos
dans la France, puis qu’vne telle Princesse,
n’espargne point ses fatigues & ses soings
pour ce seul effet, C’est la tranquillité du Royaume

Page précédent(e)

Page suivant(e)