fleuron des lys de Bourbon, & vne vnique
tyge de la Maison de Montpensier, elle c’est
fait voir à nos yeux, cette toute Royalle Amazone,
elle est venue porter nos interest ; & son
cœur ne s’allentira point qu’en nous faisant
iouyr d’vne douce & fauorable Paix. Nous
voyons la fleur qui deuoit dés long-temps embellir
nostre parterre ; La vraye rosée du Ciel
c’est approchée de nous ; Et le Soleil ne nous
regarde que d’vn foible rayon, sçachant bien
que nous esperons qu’il fera dans peu de iours
son leuer chez nous, puis que l’Aurore de la
France y a desia commencé à cy faire voir.
Ce diamant de l’Vniuers d’abbord à esblouy
nos yeux, parce que nous estions dans les tenebres
& les horreurs de la Parque meurtriere
de tout le monde. Nous auons recous nostre
lumiere par l’approche de ce royal flambeau ;
& nous nous tenons certains de ne plus chopper
puis qu’vn Lys embellit nostre terre qui
sembloit deuenir seiché & sterile. Nous
ne craignons plus les allarmes ny les assauts
tant furieux puis-ils estre ; puisque nous auons
vne seconde Pucelle pour nostre deffence :
Qui sera si osé de s’opposer à sa valleur ? Qui

Page précédent(e)

Page suivant(e)