qu’entasser lauriers sur lauriers, tant il sçauoit l’art
de surmonter le Ennemis de cette Couronne. A t’il
iamais assiegé sans prendre. La terreur de ses armes
obligeoit les habitans des places à luy porter les
clefs, & à receuoir les conditions telles qu’il luy plaisoit
de les leur faire : car la generosité de ceux qui
les deffendoient ou qui les vouloient deffendre,
n’estoit qu’vne vaine protection contre vne puissance
à tout assubjetir comme la sienne. Ils furent contrains
de s’humilier aux decrets de leur sort, & de
chercher leurs suretez dans leur mauuaise destinée.
De sorte que le capituler & se rendre, leur furent
des moyens beaucoup plus auantageux que tout ce
qu’ils auroient sçeu pratiquer pour leur deffences.
L’Espagne ne se plaint-elle pas encore du sang que
ses coups luy ont fait épancher, & des places que sa
Valeur luy a prises[illisible] Et la Flandre ne fremit elle pas
au seul bruit de l’eslargissement de ce Vainqueur
inimitable. Et tout cela, SIRE, ne sont-ce pas des
effets qui obligent vostre Majesté à le considerer
comme vn Heros qui peut remettre l’Estat en sa
plus haute splendeur, ou du moins à forcer toute
l’Europe à faire vne Paix generale, telle qu’il plaira
à vostre Maiesté de la faire. Il n’est point de Roy si
puissant, si genereux, ny si entendu aux affaires, qui
n’ait besoin de l’assistance d’vn grand homme d’Estat,
& d’vn grand Conquerant pour mieux reüssir
en toutes ses entreprises. Ce qui se trouue parfaitement
bien en la personne de ce Prince, & ie ne sçache
point d’homme si doüé d’excellentes qualitez
qui ne face vanité de le suiure en toutes ses entreprises.
Il a vne parfaite connoissance des hommes, des
affaires, des pays, & si il est sçauant à toutes sortes
d’occurrences. Il n’a rien qui ressente la flaterie, ny
la lascheté & moins encore la seruitude. Il ne permet

Page précédent(e)

Page suivant(e)