Car encores qu’il fust party de Ponthoise,
& qu’il fist courir le bruit qu’il se vouloit
retirer pour contenter le peuple, & qu’il ait
esté iusques à Chasteau-Thierry & au de là,
où il se vid obligé d’enuoyer au General de
l’Armée de l’Archi-Duc Leopold, demander
vn passe-port, il luy a esté refusé, ce qui
a esté cause qu’il n’a point passé outre sans
s’auancer, encores qu il fust escorté de plus de
mille Caualiers & gens de pied du Mareschal
de la Ferté Senneterre : au contraire, le
Cheualier de Guyse qui commande l’Arriere
Garde de cette Armée, sçachant le chemin
qu’il deuoit tenir à son retour, il prit
quatre mille cheuaux auec luy, & se mit en
embuscade pour le surprendre, & comme
son Auant-Garde passoit, ce Cheualier l’attaqua,
& tua enuiron deux cens hommes ;
ce que sçachant le Cardinal Mazarin, il se
garda bien de prendre le mesme chemin ;
mais auec le reste de son escorte, il en choisit
vn détourné, qu’il passa sans trouuer personne
qui empeschast sa marche, & auec laquelle
il se resolut de venir à Compiegne,