de moyens les Gens de bien se promettent
qu’il employera toute son Authorité,
pour faire en sorte que les Arrests de cét
auguste Senat ne soient pas des illusions de
Iustice, cõme ils l’ont esté iusques à present,
par les Supposts de cét Estranger, qui n’a
eû autre but depuis sa sortie, que de diuiser
la Maison Royale, & en suite le Royaume,
afin de se restablir par le trouble & le
desordre, dans vne place qu’il n’a quitté que
pour vn temps & dans l’esperance dont il
s’est tousiours flatté, qu’en tout cas il la
pourroit reprendre, lors que l’Authorité
du Roy majeur seroit assez forte pour le
maintenir contre les oppositions des Princes,
des Parlemens, & les vœux de tous les
Peuples.

Et afin que la supposition & l’artifice
ne pust plus se ioüer de la credulité des
Peuples, Monsieur le Prince preferant le
respect qu’il doit aux volontez de son Altesse
Royale, suiuies des vœux du Parlement,
à la iuste crainte que tant de soupçons
deuoient raisonnablement imprimer