auec la Niepce du Cardinal Mazarin ; Que
les nommez Brachet, Berter & Ciron, seroient
assignez pour estre oüys pardeuant
Messieurs de Broussel & le Musnier,
Conseillers à la Grande Chambre & Commissaires
deputez pour l’instruction du
procez de ce Cardinal. Et en outre qu’il
seroit informé contre ceux qui auoient
proposé d’attenter à la personne de Monsieur
le Prince.

On attend l’effet de cette Resolution,
certainement digne du courage & du zele
de cette Compagnie, qui ne peut estre que
tres-advantageux pour le bien de l’Estat,
& le repos des Peuples ; & pour lequel
Monsieur le Prince secondera tousjours
de tout son pouuoir, les bonnes intentions
de son Altesse Royale, qui a fait voir en
cette derniere occasion, qu’elle vouloit
acheuer l’Ouurage qu’elle auoit commencé ;
estant certain que la France luy est redeuable
de l’esloignement du Cardinal
Mazarin, lequel estant important à la tranquillité
publique, d’asseurer par toutes sortes