Anonyme [1649], PLAIDOYÉ HEROY-COMIQVE POVR L’EMINENCE, CONTRE LE CREVX. , françaisRéférence RIM : M0_2774. Cote locale : C_8_26.
L’on te reduit à rien n’auoir Quand aucun ne te veut bien faire, Et vraye matiere premiere Tu n’es propre qu’à receuoir.
Moy, ie suis ce noble Instrument, La forme informant toutes choses ; Et quoy que l’auoüer tu n’oses Ie suis ton accomplisement.
L’on m’honore de tous costez ; Ie suis au dessus des puyssances, Et l’on sçait que les Eminences Sont égales aux Majestez.
La gloire esleue des Autels A ceux que la vertu rehausse : Mais on loge au Creux d’vne fosse, Et les Morts, & les Criminels.
Les Reliefs sont en plus haut poinct Que les graueures enfoncées, Et les peintures auancées Que celles qui ne sortent point. Quand vn cerueau capricieux Veut blasmer d’vn autre l’ouurage, Il dit, qu’il est plat, mais l’outrage Seroit plus grand s’il disoit Creux.
Pour le confondre entierement Ie reuiens à toy mon beau Iuge, Toy qu’il a pris pour son refuge,
Anonyme [1649], PLAIDOYÉ HEROY-COMIQVE POVR L’EMINENCE, CONTRE LE CREVX. , françaisRéférence RIM : M0_2774. Cote locale : C_8_26. |