pensoit m’en vouloir chasser. Le Dieu Mars a tellement
fauorisé mes desseins qu’il seroit impossible
qu’il me pust fournir dauantage des choses qui
sont necessaires à faire la guerre. Bref les pays estrangers
ne me nient point l’assistãce que ie leur
demande, pourueu qu’ils ayent la liberté de piller.
La France n’est pas encore si pauure qu’on n’y
trouue bien de quoy prendre, c’est vne amorce
qui m’apportera beaucoup d’auantage, & ie n’ay
qu’à faire ce que disoit autrefois vn grand Capitaine,
qui ne vouloit que frapper la terre du pié pour
leuer vne armée, ou ie n’ay qu’à faire comme ce
Cadmus qui prit les dens d’vn Serpent, & les sema
pour en auoir des soldats. Mais il me faut craindre
que la dissensiõ ne les fasse mourir aussi tost qu’ils
seront esclos, ou plustost que la liberté ne les perde,
car n’ayant point dequoy les payer, n’estant
pas raisonnable que ie me dessaisisse de ce que tiẽs,
en ayant bien à faire ailleurs, il est apparent qu’on
ne leur permettra pas de voller si librement que
ie voudrois bien, & les peuples desesperez, mettant
tout respect à part en pourront deffaire beaucoup,
comme il y a bien de l’apparence qu’ils se
sont resolus de faire. Mais que tout aille comme
il pourra desormais, ma personne est en asseurance,
de sorte que ie n’ay plus rien qui me face apprehender
le desastre, puisque ie suis dedans vne
ville forte, & capable de resister contre tout le

Page précédent(e)

Page suivant(e)