MAZARIN
DANS AMIENS.
SCauroit on desirer plus de felicité ny plus de
bon-heur que le Ciel m’en dõne, il sembloit
que toute la Frãce voulust m’engloutir, & comme
les armes de tout le Royaume s’estoiẽt preparees,
ie deurois estre mis à la capilotade plus de mille
fois, mais graces à Dieu ie suis eschappé de toutes
ces fougues, & au lieu que mes ennemis deuoient
auoir l’auantage sur moy, ie les tiens en bride
maintenant, & suis sur les points non seulement
de les empescher de me nuire, mais encore ie me
prepare de les embrouiller dauantage, & de leur
tailler plus de besongne que ie n’ay pas fait cy deuant.
Qui me sçauroit empescher de le faire ? n’en
ay-ie pas tous les moyens necessaires ? Tout conspire
à me seconder, & la ville qui paroissoit la
plus difficile & la plus reuesche à me receuoir dans
son sein, me fournit à present des forces pour arriuer
où i’ay tousiours desiré. I’ay maintenant vne
Citadelle que les Geans n’oseroient pas attaquer,
s’ils ne se vouloient resoudre bien asseurement de
mourir. Iupiter mesme y perdroit ses peines, s’il
Anonyme [1649],
MAZARIN DANS AMIENS. , français
Référence RIM : M0_2432. Cote locale : C_6_11.