Messin, par la riuiere de Mozelle, qui laue
ses murailles & qui rendoit sa nauigation
perilleuse, à moins que de payer de grosses
sommes d’argent pour le peage & passage
des marchandises,) Par la victoire de Fribourg,
où elle défit l’armée Bauaroise: Par
la reprise de la forteresse de Philisbourg,
prés du Rhein, qui se rendit en moins de
huict iours, au lieu de cinq sepmaines que
les Suedois auoient employés à l’assieger,
& qui luy facilita la reddition des Villes
Imperiales de Spire, de Mayence & de
Vvormes: Par la bataille de Hilbron, qui
obligea cette ville-là & celle de Norlinghen
à receuoir ses Loix, & en laquelle
bataille comme en celle de Fribourg les
deux Generaux Mercy, freres, & des
plus grands guerriers d’Allemagne en perdant
la vie accreurent la terreur que les armes
que vostre excellence donna à tout
l’Empire, puis qu’elle obligea le Duc de
Bauiere & l’Euesque de Vvirstbourg, Duc
de la France-Orientale à prendre la neutralité,
pour ne pouuoir resister à vn Prince si

Page précédent(e)

Page suivant(e)