de l’Vniuers, comme il l’auoit esté
du tres-puissant Empire de Perse, & contraint
Darius qui en estoit Monarque,
d’augmenter la gloire de son triomphe &
luy cedder la Souueraineté de cette belle
partie d’Orient, sans y plus rien esperer,
d’autant, disoit-il, que comme le Ciel ne
peut souffrir deux Soleils, aussi la Perse ne
pouuoit estre commandée par deux Rois,
qui estoit l’ambition de ce grand Prince,
outre celle de ne pouuoir pretendre vn plus
grand avantage que celuy de partager l’estime
ou vous estes aujourd’huy: car si Alexandre
par cette gloire d’estre deuenu seul
Souuerain des Perses, la rendu l’objet de la
grandeur de tous les plus grands Princes
du monde, qui n’ont rien fait ny entrepris
que sur son exemple & à son imitation: Qui
voudroit estre si temeraire de denier à vôtre
Altesse ceste haute reputation qu’elle
s’est acquise à la bataille de Rocroy: A la
conqueste de Thionuille, place du Luxembourg,
tenuë pour imprenable: (qui bornoit
la liberté des Païs de Treues & du

Page précédent(e)

Page suivant(e)