Dessous vostre patte inhumaine :
Renuoyez nous son frere aussi
L’autre part de nostre soucy.
Pour le reste ie vous le donne,
S’il ne demeure dans Peronne
Ou dans Amiens arresté
Sous vne bonne seureté.
Et comme ie crois que vos fesses
Tremblent tousiours pour vos Nieces,
Emmenez-les quand & quand vous
Sans les laisser auecque nous,
Nous ne voulons point d’asseurance
Iamais auoir de leur engeance,
Elles trouueront vn party
Qui leur sera mieux assorty
Parmy les peuples de Sicile,
Car c’est là leur vray domicile.
Mais dequoy m’aller soucier ?
C’est à vous à les marier,
Vous auez dequoy satisfaire
Suffisamment à cette affaire
Si vous desirez vous haster
Vistement de les emporter,
Car si vous vuidez vostre bourse
Auparauant, quelle resource
De pouuoir iamais retrouuer
Les moyens de la regauer ?
Le Roy n’a plus dans sa Finance
De menaillons ny de cheuance,
Le peuple est pauure & si battu
De vous, qu’il n’a plus de vertu,
Au moins, dis ie, pour la disette

Page précédent(e)

Page suivant(e)