outrageux, qui de cette catastrophe espouuentable
de l’Hostel de Ville fait monter Monsieur le Prince
au souuerain degré de tyrannie dans Paris, & le rend
le maistre de nos libertez & de nos fortunes, prenant
son theme des pilleries des troupes de nos Princes
dans nos portes, des moissons abbatuës, des villages
desertez, & tant d’autres desordres, qu’il n’y auroit
pas d’apparence deuoir estre supportez par vne si
grande & si puissante Ville, si elle n’estoit dans la derniere
dependance de M le Prince, qui a rendu le Cardinal
flexible à ses desirs & ses propositions. Cela reçoit-il
quelque vray-semblance ? l’abandonnement
des villages ne procede-il pas des approches & des
cruautez inoüies des troupes Mazarines ? ne les auons-nous
pas veu desrober les Ciboires & en fouler aux
pieds les Hosties, piller nos Eglises & nos Campagnes,
forcer & violer les filles & les femmes, brûler,
saccager & tuer nos Citoyens iusques dans nos portes
sans aucune misericorde, fermer les chemins & les
auenuës des viures, & vouloir nous reduire à l’extremité
de la faim ? C’est ce que vous ne deuiez pas dissimuler,
qui est plein de verité, au lieu de pousser auec
tant de fougue vos mensonges & vos calomnies contre
ceux qui ne sont coupables, si vous voulez les accuser
& parler auec quelque sincerité, sinon d’auoir
en vn petit canton de terre où ils ont esté reduits,
pris dequoy se nourrir & subsister, comme il estoit
bien raisonnable, puis qu’ils estoient pour nostre
defense. Vous estes assez fecond en malices, & assez

Page précédent(e)

Page suivant(e)