de voir qu’elle s’enrichit à nos despens, encore qu’elle
soit l’origine de ce tyran, qui pis qu’vn Denis de
Syracuse a tellement tourmenté le peuple qu’il s’en
trouue fort peu qui n’ayent receu vne allegresse extreme
lors que l’on a sçeu que Messieurs nos vniques supports
auoient donné vn Arrest contre luy qui l’oblige de quitter
la France, dont il a tant receu de bien, & l’a si mal
traitée Quelle bonté à la France de luy auoir mis en
ces mains tout ce qu’elle a de plus cher, outre les biens
& la vie de son peuple, dont il en a vsurpé l’vn & entrepris
sur l’autre ? quelle peine merite vn tel crime ? estant
asseuré que le droit d’hospitalité violé est celuy qui a
esté le plus puny dans les Antiquitez. Il est donc asseuré
qu’il faut qu’il porte la peine de son crime, le Parlement
luy en ayant ordonné vn iugement autant benin que
son mal fait est grand, car ils ne luy ordonnent
que de se retirer en son pays où il trouuera des biens
qu’il a si mal acquis de France. En fin il faut qu’il cede
à ce grand Parlement, qui nous ayant osté l’autheur
de nos maux y a mis fin, & a remis en regne l’aage
d’or que nous auions perdu sous ce Ministre estranger.

En vn mot nous deuons esperer toute sorte de bon succés
de la Conference qui se tient à Ruël, puis que
nous ramenant le Roy elle nous tire de la nuict obscure
où cet infame nous auoit plongez en nous ostant le
Soleil qui nous donne la lumiere, ce grand Prince qui
sous son regne donne tant de bonnes esperances à sa
bonne ville de Paris, dans laquelle il ramenera l’abondance
& la paix, qui nous a esté enleuée auec sa sacrée