ne manquent point de conduite dans toutes leurs actions
ils ont si bien fait qu’il y a tousiours eu des viures suffisamment
dans Paris, pour la conseruation desquels ils
ont eu des trauaux incroyables, ayant fourny partie
de leur bien pour leuer des gens qui peussent seruir à
continuer l’arriuée des viures que les troupes Mazarines
s’efforcent de tous costez d’empescher, pour trouuer
moyen d’immoler à sa cruauté ceste innocente compagnie,
qui n’a iamais eu autre dessein que celuy de soulager
le peuple dans ces trauaux, & luy seruir d’azile
dans sa plus grande misere, ayant attiré par la iustice
de leur cause des plus genereux Princes de France qui
ont iuré leur deliurance, à la quelle on les voit trauailler
tous les iours auec tant de courage que nous ne deuons
rien moins esperer apres ceste furieuse tourmente qu’vne
paix tranquille, laquelle apportera vn entier soulagement
à nos maux, puis que nous nous verrons deliurez
de l’oppression de cet Estranger, lequel à l’imitation de
ces peuples barbares ne se nourrissoit que du sang qu’il
extorquoit du peuple & des sueurs de leurs trauaux, qui
ne seruoient qu’à remplir la bourse de cet insatiable qui
sembloit se deuoir bien-tost remplir, neantmoins il n’y
paroissoit rien, veu que tout ce qui y entroit s’en alloit
par des canaux secrets au fond de l’Italie, où l’on void
des Palais magnifiques esleuez de nos Iustes, & dont
l’on pourra estimer autãt de personnes fondateurs cõme
il y en a dans la France, y en ayant fort peu qui n’ayent
fourny à la structure de ces fameux bastimens qui seruiront
de trophees à nos despoüilles, dont l’Italie se moque

Page précédent(e)

Page suivant(e)