On y monstre quatre parties
De diuers chiffres basties.
La premiere est l’Addition,
Et l’autre est la Partition :
L’vne adiouste, l’autre diuise,
Auec vne methode exquise.
En suitte est la Substraction
Et la Multiplication.
Vn Courtisan qui veut paroistre,
Et qui veut deuenir grand maistre
Estudie pour inuenter
Le moyen de bien adiouster
Au reuenu de son Domaine
Vne qualité souueraine,
Et les pistoles des Marchands
En leurs hypothecquans ses chams,
Ses tiltres, ses droicts, & ses censes,
Il a de grandes esperances
Qui l’obligent de bien viser
A partager, & diuiser
Tous les fruits de son heritage,
Et les tresors qui sous bon gage,
Ou sous caution a receu,
Afin qu’il ne soit point deceu,
Et qu’il ne puisse durant l’année
Dessous la bonne destinée

Page précédent(e)

Page suivant(e)