c’est ce qu’il apprehende fort, & le rend si inquiet,
qu’il ne peut gouster de consolation, &
quoy que le Roy & la Reyne luy disent, qu’il
ne doit auoir aucun sujet de crainte auec eux,
& qu’ils le protegeront ; c’est en quoy ils se sont
bien oubliez, car non seulement à leurs sujets,
mais aussi à leurs personnes ils font vn grand
prejudice, mais nonobstant toutes ses asseurances
il se messie tousiours, & ne dors point en
repos, car la syndereze de sa conscience le bourelle
incessamment au souuenir des maux qu’il
a commis ; mais son plus grand desplaisir, c’est
de ne pouuoir paruenir au bout de ce qu’il pretendoit,
tantost il est tenté du desespoir, tantost
il se fonde sur l’esperance que l’on lui donne de
la victoire, mais il voit de mauuais preparatifs
à ce triomphe, c’est ce qui le décourage du tout
en tout, il se tient tousiours enfermé, & rumine
sans cesse, il ressemble aux hiboux, il cherche
les lieux solitaires, il ne peut supporter la lumiere
du iour, on ne le voit point paroistre dãs
les ruës de Pontoise, ie l’ay appris par des habitans
du lieu, lesquels disent ne l’auoir point
encor veu quoy qu’ils aillent & viennent tousiours
par la ville : ie leur dis, que ie m’estonnois
fort comme ils auoient voulu receuoir le

Page précédent(e)

Page suivant(e)