folles entreprises ; car c’est chose estrange de
l’homme dont l’ambition n’est iamais bornée,
& que ne voulant pas arrester son cours impetueux
auec les resnes de la raison il se voit souuent
frustré de toutes ses pretentions, & plongé
dans des mal-heurs sans ressource pour s’estre
porté au delà de sa condition ; c’est ce qu’a fait
le Cardinal Mazarin, qui ayant tout à fait oublié
la bassesse de son extraction, & que se voyãt
fauorisé de la fortune, il croyoit estre tousiours
dans ses bonnes graces, & qu’ayant le vent propice,
il vogueroit sans rien craindre sur la mer
perilleuse des grandeurs de ce monde, mais cõduisant
la barque auec tant d’imprudence, il a
meu cette Mer à esleuer ses tempestes contre
luy, & puisque comme mauuais Pilote il vouloit
faire perir tous ceux qui estoient dans le
Vaisseau, il falloit que luy-mesme trouuast son
naufrage ; la France ce grand Vaisseau, de qui
cét impertinent vouloit tenir le gouuernail,
s’est esleuée contre luy à raison de sa mauuaise
conduite, il a meu les seditions, il a démembré
l’Estat, qui ne peut se révnir à son Chef à cause
de luy : mais il en doit bien craindre la fureur,
car fortune commence à luy faire mauuais visage,
elle est sur le poinct de luy tourner le dos,

Page précédent(e)

Page suivant(e)