comme vous estes en estime dans Paris, ou ie
croy qu’il ne faict pas bon pour vostre party, ie
contrefaisois vostre ennemy & me trouuant en
compagnié, ie disois comme les autres qu’il
estoit vray que vous estiez vn meschant homme
& que vous auiez perdu toute la France, &
ce que i’en disois c’estoit que ie voyois que si
i’eusse parlé pour vous, il ne faisoit pas seur
pour moy ; quelqu’vn me respondoient qu’ils
estoient tres-fidelles seruiteurs du Roy & que
s’ils auoient pris les armes ce n’estoit que pour
s’opposer a vostre tyrannie : Monsieur vous
m’en auez donné la permission.

Le Cardinal Mazarin.

Poursuiuez Monsieur des Forests, ie ne vous
veux poinct de mal de tout ce que vous-me
distes, ce n’est qu’vne reïterantion que vous me
faictes, cela ne viens pas de vous ie suis trop
informé de vostre fidelité pour en douter, ie
sçay bien ce que les Parisiens disent de moy &
qu’il me voudroient voir demembrer membre
a membre, mais ils ne me tiennẽt pas, & que si
iamais ie rentre à Paris ce ne sera qu’à bonnes
enseignes, ie leur apprendray qui ie suis & ie