Monsieur Iuif n’a tant fait d’emplastres,
Ny l’or n’a point tant d’idolatres,
Flores n’a point tant de bouquets,
Les Messagers tant de paquets.
Morphee n’a point tant de songes,
Les Almanachs tant de mensonges,
Vn dedale tant de destours,
Vne espousée tant d’attours,
Vn bigeare n’a tant de quintes,
Vn affligé n’a tant de plaintes,
Les estangs n’ont tant de rozeaux,
Les voyeries tant de corbeaux.
Les ruches n’ont point tãt de mouches,
La Renommée tant de bouches.
Vn amant n’a tant de souspirs,
Et l’air n’a point tant de sephirs.
Le Perou n’a point tant de mines,
L’Orient tant de perles fines,
Le printemps n’a point tant de fleurs.
L’Aurore n’estend tant de pleurs.
La nuit n’a point de phantosmes,
Le Soleil n’a point tant d’atosmes.
Enfin l’eau, la Terre & les Cieux
Font moins voir d’obiets à nos yeux,
Que i’ay d’enuie que la Reyne,
Tost à paris le Roy ramené.

FIN.