ont receus de sa mauuaise volonté, pour recompense
de leurs grands seruices. C’est ce qui fait
que l’vn a quitté son armée de Guyenne, pour
se retirer en son Gouuernement de Brisac, &
que l’autre qui fut tousiours suspect durant la
vie de son frere le Duc de Boüillon, de donner
auis aux Princes de toutes les resolutions de la
Cour, & de l’estat de l’armée, a depuis sa mort
demandé plusieurs fois qu’vn autre commandast
les troupes en sa place, sans auoir encore pû
l’obtenir.

C’est pour dire que la Cour, qui veritablement
est toute confite en Mazarinisme, ne veut
point de Chefs pour commander ses troupes, ou
pour obtenir les hauts emplois du Royaume,
qui ne fassent hautement profession de ce zele,
ou pour tout dire, qui comme d’Hoquicourt &
la Ferté Seneterre, ne soient des Mazarins fieffez
& consommez. Mais quoy, nos Princes
n’ont-il pas esté forcés d’armer, parce qu’ils ne
voyoient point d’autre moyen de s’affranchir de
cette indigne tyrannie : & pour reprendre les
choses vn peu de plus loin, qui ne sçait que durant
l’esloignement de Mazarin, la Reine, qui
se fut volontiers sacrifiée elle mesme, pour obtenir
le bien de son cher retour, si elle eust pû le
procurer & l’asseurer par ce moyen, fit faire à
Monsieur le Prince des offres les plus auantageuses