contre toute sorte d’injures tant internes
qu’externes pour la conseruation de la vie sont
apres l’ame la premiere & principale cause, ou le
vray principe du mouuement ; de sorte que ces
chaleurs immoderées qui procedent des rayons
du Soleil ne laissent dans les corps sur qui elles agissent
que les humeurs adustes & pesantes, ou
plustost la cendre & la terre incapable de mouuement :
partant il est tout manifeste & tout certain
que l’Espagnol retenant ainsi moins de feu,
& de chaleur, mais plus de terre & de froid, est
d’vne complexion d’autant moins suiette à mouuement
& changement, qu’elle est lourde & pesante.
Mais combien qu’il soit de cette nature,
neantmoins il peut estre eschauffé & disposé au
changement par la chaleur moderée qui procede
d’vn bon & reglé vsage des choses que les Medecins
appellent nonnaturelles, au nombre desquelles
sont le vin, l’exercice & principalement
les affections de l’ame : comme le soucy, les inquietudes,
le chagrin, la cholere, l’amour, l’ambition
& autres passions moderées qui excitent au
mouuement. De maniere que, quand il sçait ou
s’apperçoit qu’il va en quelque part de l’interest
de ses Estats, dont la conseruatiõ est vn des principaux
motifs de ses passions, il n’est point de forme
au monde qu’il ne prenne auec des soupplesses

Page précédent(e)

Page suivant(e)