Non non c’est plutost ceux qui se iouent
des paroles royalles, qui font venir vn Estranger
ennemy de l’Estat pour y porter la guerre,
qui doiuent estre tenus pour ennemis du Roy,
& declarez Criminels de leze Majesté & s’il s’est
fait quelque traitté auec le Duc de Lorraine ou
mesme auec le Roy Catholique, il est aisé de le
iustifier.

Personne ne doute que la paix ne soit la fin
de tous ceux qui menent vne iuste guerre. Les
Romains qui ont esté les plus belliqueux & les
meilleurs politiques du monde, ont pris les armes
auec ce dessein de la donner à ceux qui la
voudroient receuoir, & l’offroient apres la victoire
auec les mesmes conditions qu’ils l’auoient
presentée deuant les combats. Si nous
traittons auec le Roy d’Espagne & le Duc de
Lorraine, ce n’est que pour la paix, laquelle ils
nous demandent auec tous les aduantages que
nous pouuions esperer de nos victoires. Mon
beau frere le Duc Charles a donné ses trouppes
victorieuses & 1500000. liures pour l’obtenir, on
luy a engagé trois places Stenay, Clermont, &
Iamets, par vn traitté passé par l’entremise du
Duc de Nemours : doit on trouuer mauuais que
Mon Cousin le Prince de Condé engage ses
conquestes pour sa deffence, & reçoiue le secours
d’vn Prince qui se veut mettre bien auec la