Anonyme [1652], LES MOTIFS QVI ONT PORTÉ SON ALTESSE ROYALLE, A SE DECLARER POVR MONSEIGNEVR LE PRINCE, QVI SERVENT DE IVSTIFICATION A SON MANIFESTE. , françaisRéférence RIM : M0_2509. Cote locale : B_7_13.
-- 8 --
contre luy le premier iour d’apres la Maiorité
fut extorquée. Elle a esté donnée & verifiée
en pleine paix dans l’esclat & dans la pompe
lors que personne mesme ne faisoit aucune instance
de l’obtenir. Mais en cela paroist l’ignorance
& la malice du Conseil, d’auoir voulu
eluder l’esperance de tous les gens de bien qui
receurent cette Declaration comme vn arche
de la paix & vn tesmoignage de l’affection paternelle
du Roy enuers sa tranquillité & le repos
de ses sujets. Ie laisse à iuger à tous ceux qui auront
quelque reste du sens commun, quel agit
deux partis a la iustice de son costé, quel agit
auec prudence, ou celuy que l’on fait r’entrer
dans l’estat en posture de Criminel & apres
auoir esté declaré perturbateur du repos public
chargé & conuaincu de plusieurs crimes, tout
noircy de coups de foudres de la iustice, sans
retractation, sans abolition, le Cardinal Mazarin
ou celuy qui s’y oppose ; On peut dire que c’est
vne imprudence à ceux de sa faction, d’auoir
precipité son retour auparauant que d’auoir
osté ces taches, lesquelles neantmoins sont inefacables
comme la foiblesse de ce qui a esté frapé
de foudre ne se peut guerir : s’ils ont iugé que
ces abolitions estoient hors de sens ou parce
qu’elles seroient impossibles, pourquoy l’ont ils
voulu exposer auec le flambeau de la guerre en
Anonyme [1652], LES MOTIFS QVI ONT PORTÉ SON ALTESSE ROYALLE, A SE DECLARER POVR MONSEIGNEVR LE PRINCE, QVI SERVENT DE IVSTIFICATION A SON MANIFESTE. , françaisRéférence RIM : M0_2509. Cote locale : B_7_13.
|