Le Roy. Mais leurs gens ne sont-ils pas pour moy ?

Monsieur. Ouy vraiement ils sont pour vous.

Le Roy Mais les Parisiens ont-ils bien du pain, car
i’entends quelquefois dire qu’ils meurent de
faim,

Monsieur. Vraiement, vraiement s’ils ont du pain,
ils ont du pain & toutes sortes de viandes pour
six mois.

Le Roy. Et que ferons nous donc pendant ce
temps-la, demeurerons nous tousiours icy ?

Monsieur. Ie n’en sçay rien, il me fascheroit bien.

Le Roy. Mais qu’en dit-on,

Monsieur. On espere que le bon Dieu fera desensorceler
ma bonne maman, qu’elle fera leuer le
[1 lettre ill.]ege, & que nous retournerons à Paris.

Le Roy. Mais remenerons-nous M. le Cardinal ?

Monsieur. O que nanny, car si nous retournons à
Paris, il faudra bien qu’il fasse gile, car les Parisiens
ne l’y souffriroient iamais entrer, ils le tueroient.

Le Roy. Mais ma bonne maman, les Parisiens l’aiment-ils
bien ?

Monsieur. Certes ouy, mon petit papa, car ils ont
tousiours conneu qu’elle estoit bien deuote, bien
bonne & bien-heureuse, il n’y a que ce meschant
homme a qui ils veulent mal.