languir, dans les attentes de ces premieres negotiations :
& puis que ie ne puis plus douter que
la Paix ne soit entierement impossible, à moins
qu’elle ne vous soit produite par vne bõne guerre,
vous reconnoistrez bien tost par l’experience de
l’affection que ie vous tesmoigneray par les effets,
que mes procedez pour le restablissement de
la tranquillité publique ont esté sinceres, & que
les calomnies que les Ennemis de l’Estat ne manqueront
pas de semer à mon desaduantage, comme
ils n’ont iamais manqué d’intrigue ou de souplesse
pour leur donner quelque aparence de verité,
seront auec l’assistance du Ciel heureusement
dementies, par l’experience des effets que ie feray
paroistre, pour en faite rougir leurs autheurs.

Ce n’est que pour cette seule intention, que ie
sors de Paris ; apres y auoir vescu parmy vous pendant
cinq mois, auec vne confiance qui n’a iamais
marqué qu’vne parfaite sincerité de mes intentiõs
pour vostre seruice. Ie n’en sors auec cette grande
affection que vous m’auez tesmoigné, qu’en intention
d’y rentrer bien tost pour vous porter l’assouuissement
de tous vos desirs. Ie ne vous quitte qu’à
dessein d’aller contraindre vos Ennemis & les
miens de nous rendre le repos qu’ils ont troublé
pour se rendre necessaires aupres de la Maiesté, dõt
ils ont surpris l’innocence par leurs artifices Ie ne