aussi rendus insolents parce que nous n’auons iamais
pretendu, que ce qui nous estoit aiugé par
toutes les loix. Ainsi nous auõs sujet d’esperer que
l’Estat ouurira enfin les yeux à son aueuglement,
pour considerer qu’il ny à que ces Estrangers Conseillers
pretendus de sa Majesté qui troublent son
repos, & que le Roy n’est nullement complice de
toutes les menees qu’ils somentent au desaduantage
de son authorité & à la faueur de l’innocence
de son âge.

Ces exces de respect, que nous auons tousiours
inuiolablement conserué, & que ie me suis particulierement
estudié de regler à celuy de son A. R.
nous ayant assez iustifié dans le iugement de tous
les gens de bien, ie pense qu’on ne doit plus attendre
de nous que nous nous amusions desormais à
des grimaces de cette nature, puis que l’experience
ne nous à que trop fait recõnoistre, que ce n’est
pas le plus court moyen de remedier aux maux de
l’Estat : Et puis que nous auõs enfin reconnu qu’il
ny à que les caprice du Conseil de sa Maiesté qui
retardent le bon heur de l’Estat, Nous pouuõs hardiment
le procurer, sans peur de choquer l’authorité
Souueraine de celuy, qui n’entre que par pretexte
dans les interests de ces ennemis du repos
public.

Pour moy Messieurs de Paris, ie vous proteste
sincerement que ie ne suis plus resolu de vous laisser