adulter sensus, quantum & corruptor stilus :
qu’autant nuit à la verité le sens adultere, par
vne peruerse interpretation ; que la plume fausfaire
par vne meschante corruption des Saintes
Escritures, ainsi que fait la vostre.

Enfin si vous voulez deffendre vos faussetez,
il vous faut establir vn principe tres faux, & dire
qu’il est licite d’auancer & d’establir la verité,
par le mensonge, auec lequel elle n’a ny societé,
ny intelligence quelconque.

Mal-heur à ceux qui mettent le desordre entre
le Prince & le peuple, & qui ne marchent
pas de bonne foy en la publication de l’Euangile.

Mais taschons de raporter icy quelques
exemples de ce que nous venons de dire pour
le conuaincre. Parlons premierement de ces
contes facetieux, & de son stile bouffonnesque.

Nous auons vn plaisent Consul, disoit on de
Ciceron ; c’estoit vn homme qui aimoit à dire le
mot, lors qu’il fut esleu à cette chargé par les
suffrages des Romains : mais nous pouuons bien
dire & à plus forte raison, que nous auons vn
plaisant Docteur à la fausse barbe, en la personne
de nostre hypocrite : car outre le nombre infiny
de ses pedenteries, il est tellement nay à la
bouffonnerie, qu’il ne se trouuera pas vn homme
quel qu’il soit, qui ne luy doiue ceder vne
qualité qu’il possede naturellement par excellence.