de reproche d’Estranger.

La fortune du C. M. a commencé par des
crimes, le feu C. de Richelieu s’en est serui pour
establir la Tyrannie, laquelle s’est rendue tout
à fait insupportable, par l’oppression des peuples,
des Parlements, & des Princes : Et neantmoins
ce Partisan trouue que le Mazarin a serui
l’Estat sans interest, & qu’on ne luy doit point
reprocher d’estre venu de Sicile pour le troubler
& pour le perdre. Seruez Godat sa femme
accouche. Le Mazarin a esté condamné pour
auoir transferé les deniers du Royaume, exercé
la Pitaterie sur les mers, empesché la paix generale,
donné des mauuaises impressions au Roy.
Voila les longs & continuels seruices qui doiuent
estre recompensez, par qui ? par le Roy
d’Espagne. Mais dit le Panegiriste Mazarin.
Si nos Princes naturels seruoient la France auec sa
sincerité, nous aurions contraint l’Espagne et l’Empire
à se naturaliser François. Quelle impudence
de calomnier de la sorte nos Princes d’accuser
de trahison ceux qui ont triomphé de la Flandre,
de l’Alemagne, & de l’Espagne, donner
pour reigle de la franchise, la sincerité Mazarine
est adiouster à l’outrage le mespris & la Moquetie.
Demandez, dit il, aux peuples qui les sousleue,
& les maintient dans leur deuoir, cet homme