Qu’vn Cardinal ait des enfans,
Il trompe ainsi les médisans ?
Car on sçait que Sacerdotes
Appellent natos, nepotes.
Enfin soit enfans soit neueux,
Il veut demeurer auec eux.
Tesmoin l’illustre Mariage
Auec l’homme de haut-parage,
Qui certes ne fait pas tant mal
D’attraper charge d’Admiral :
Son Papa n’est pas des plus gruës,
Et fait mieux que dedans les ruës
Voir cent fois oster les chapeaux
A des Asnes, & à des veaux :
Il va tout droit à la Fortune,
Et ie croy qu’il en prendroit vne
Des Nieces en maturité
S’il estoit en viduité.
Quartò, le CARDINAL en France
A quelque petite cheuance,
Il a mesme belle maison
Tableaux, statuës à foison ;
Car quoy que l’on me puisse dire
L’enchere ne fut que pour rire ;
Les achepteurs estoient amis
Qui de tout rendre auoient promis.
Quintò, il a belle écurie
Ie dis belle sans raillerie,
Et ne croy pas que tes ayeux
Ayent logé cheuaux guere mieux.
Sextò, il a des benefices,
Peu à l’égal de ses seruices ;
Mais beaucoup quant aux reuenus
Montant ne sçay combien d’escus.
Septimò, icy tous les Princes
Tous les Gouuerneurs des Prouinces
Sont tous ses grands adorateurs,
Et rien que simples crocheteurs,

Page précédent(e)

Page suivant(e)