des Italiens, oublient tous les maux passez,
voila ce me semble l’estat ou vous pouuez au
mieux pour vous desirer les choses.

Ie veux apres cela tesmoigner qu’vn Important
à assez de charité pour vous faire voir
qu’il n’y a plus de seureté pour vous en France,
& qu’il faut ou bien tost y perir, ou s’en
aller.

Vous auez de l’esprit autant qu’homme du
monde pour l’intrigue du cabinet, ne m’aduourez
vous pas que cent fois vous vous estes
trouué au bout de vos souplesses, quand il
vous a fallu satisfaire à nos Princes du sang
(quoy que bons) d’humeurs differente.

Par l’action qu’ils font aujourd’huy pour
vous, vous iugez bien qu’ils vous mettent à
la cadene, & que vous ne pouuez plus ny
maintenir l’authorité de la Reyne, & cõseruer
leur amitié, ie veux qu’il vous soit indiferent
de l’achepter au prix mesme de l’Estat, duquel
il paroist que vous vous souciez fort
peu, vous auez experimenté au mois d’Octobre
dernier auant cette obligation icy,
comme vous estiez entre ces deux Princes, &
n’eut esté l’interest du confident ou Ministre
du premier, vous estiez perdu, & auiez mis la
Rey ne en estat de receuoir vn tres grand desplaisir ;
Ce sont choses qui vous sont connuës.
C’est pourquoy ie pretens que vous me croirez,
quand ie vous diray que ie sçay, non