A tiré de vos Monasteres,
Où vous faisiés choses austeres,
Tenans tout le monde à mespris,
Gardés vous, mes Sœurs qu’à Paris,
Suiuant la naturelle pante,
Vous ne fassiés chose plaisante,
Longue abstinence met en goust,
Et l’habit ne fait apres tout,
Ny le Moine, ny la Moinesse,
En tous estats le corps nous presse,
Et nous pousse à l’amoureux choc,
Et sous la juppe & sous le froc.
Mais crainte de quelque surprise,
Voicy de quoy ie vous aduise,
L’on vous a mille fois presché,
Que laise nourrit le peché,
Que contre sa flatteuse amorce,
Loisiueté nous rend sans force,
Croyez ce poinct tres important,
Et qu’il n’est rien de si constant,
Sans doute dans cette entrefaite,
Maset qui n’estoit pas masette,
Trouua moyen de badiner,
Et fit mainte Nonne nonner,
Vous en sçaués ie le veux croire,
La notable & plaisante histoire,
Mais sçachez aussi qu’en ce lieu
Loisiueté donna beau jeu

Page précédent(e)

Page suivant(e)