Les Clinquaillers & vendeurs d’armes
Car par Arrest fut deffendu
Que d’ores en-auant soit vendu
Le mousquet & la bandoüillere
De Charleuille ou de Meziere
Ou du païs des Liegeois,
Plus de huict quarts d’escus de pois ;
Ny que plus de dix francs on vende
Ceux de Sedan & de Hollande :
Ny plus de vingt & quatre sous
Picques de fresne à communs bouts
Ny de fortes armes la paire
Ensemble le pot, soit plus chere
De douze francs, les pistollets
Qui se montent par des roüets,
Auec les fourreaux, seize liures,
Ceux à fusil, dix-huict : les liures
De la fine poudre à canon
Vingt-quatre sols : l’autre, vn teston.