Saint-Julien,? [?] [1649], LE QVATRIESME COVRRIER FRANÇOIS, TRADVIT FIDELLEMENT en Vers Burlesques. , françaisRéférence RIM : M0_2848. Cote locale : C_2_42_04.
Page précédent(e)

Page suivant(e)

-- 14 --


Mais par vne action barbare,
Vne ignorance, vn attentat
Contre les regles de l’Estat :
Tient les personnes esleuées
Par ce Semestre pour priuées :
Confirme l’Arrest de Ianuier
Qui porte que tout Officier
Et membre des Cours Souueraines
Qui mettra ses soins & ses peines
A pousser tel Iuge nouueau
Ne passera que pour vn veau,
Et dechéera de son Office
Comme incapable d’exercice,
Et veut que dans le compliment
Que doit receuoir le Normand,
On l’inuite à faire le mesme
Et fulminer vn anatheme
Contre l’homme Sicilien
Tel qu’a fait le Parisien.

 

 


L’on fit lecture à l’Audience
Des trois Arrests de consequence
Que Myron auoit apportez
Et que Rouën auoit dictez
Deuant le Duc de Longueuille
Le Gouuerneur de cette ville,
Et de la Prouince au Pommier,
L’vn est du vingt-sept de Ianuier
Portant que cette Cour annulle
Tous les Edicts, & tient pour nulle
L’inique Declaration
Par qui la fabrication
Du nouueau Semestre s’est faite,
Et toute sa suitte indiscrete
Comme au preiudice des Loix
Qui deffendent de tels emplois.
L’autre du trentiesme donne ordre
Que l’on informe du desordre,
Page précédent(e)

Page suivant(e)

Saint-Julien,? [?] [1649], LE QVATRIESME COVRRIER FRANÇOIS, TRADVIT FIDELLEMENT en Vers Burlesques. , françaisRéférence RIM : M0_2848. Cote locale : C_2_42_04.