Dont elle ne fit point lecture,
Non pas seulement l’ouuerture,
Et dont Messieurs les Gens du Roy
Furent creus sur leur bonne foy :
Disant que par icelle lettre
Le Parlement on vouloit mettre
Et transferer à Montargis :
La Cour qui n’en fut pas d’aduis,
Ordonna qu’ils prendroient la peine
De s’acheminer vers la Reine
Pour la coniurer & prier
De vouloir les Noms enuoyer
De ceux dont la correspondance
Estoit dommageable à la France,
Afin que trouuez criminels
Ils fussent punis comme tels.
Lors les dits Gens du Roy partirent
Et selon qu’il fut dit, ils firent
Mais ils reuinrent non oüis
De S. Germains peu resiouys.