A leur donner vn peu d’audiance,
Ils exercerent ma patience,
En m’entourant de tous costés
Crians comme des enragez.
Ils parloient tous ensemblement,
Sans ordre ny agencement :
Leurs discours n’estoient que redites,
De pertes grandes, ou petites :
Mes sens estoient tous estourdis,
De leur grand bruit, & de leurs cris.
D’ailleurs ne pouuant rien entendre,
A leur jargon, sans plus attendre,
Ie cours vistement au logis,
Craignant encore d’estre repris :
Où dés que ie fus arriué,
Bien ayse d’auoir eschapé,
Ie me iettay dessus mon lict,
Pour donner force à mon esprit.