en Italie, porta ses drapeaux en Prouence, & ce
par le conseil d’Anthoine de Leue contre l’aduis
du Marquis du Griast, & de Ferdinand de Gonzague,
qu’en arriua-il ? ce maladuisé Conseiller
de cette expedition, se voyant au couchant de
sa fortune tout porté à la perte de sa reputation,
mourut tenaillé du remords de sa propre conscience,
& poursuiuy d’vn repentir d’auoir attiré
sur luy les effets de la disgrace de son Prince,
& par la temerité de son conseil, il laissa à la posterité
vn exemple memorable de son malheur.

Grand miroir pour nostre Asne rouge, qui
n’est rien qu’vne souche de palais aupres de ces
grands Capitaines, il doit apprendre ce que c’est
que vouloir enfanter en sa ceruelle feslée vne
vengeance si dangereuse que le mauuais conseil.

Tres-pernicieux sur le Conseil que Cinon
donna aux malheureux Troyens, de rompre les
murailles de la ville, pour faire dedans le Cheual
que les Grecs presenterent ; au ventre duquel
estoient les plus vaillans Capitaines & soldats
de leur armée, car y estant entrez, ils en sortirent
& passerent par le fer & le feu ; tous les
habitans auec leur ville, & ce traistre Conseiller
Cinon fut des premiers tué pour recompense de
sa desloyauté.

Charlemagne grand en courage & en conqueste,