aduersaires, & les craindre : Il faut que l’Espagne sçache
nostre arriuée deuant que nostre partement, sa perte
toute euidente auant que nostre victoire, sa fuitte auant
sa resolution, & que les Maures bazanez d’Afrique
à grande peine luy puissent-ils faire prendre party de
demeurer auec toute asseurance dedans Cartagene, où
les Myramulmins & puissans Roys d’Afrique enuoyent
si souuent asseurer leur vie.

C’est peu de chose de donner des conseils,
mais d’en vouloir estre cru, cela tient de l’infortune,
Cleante qui n’en donna iamais aucun qu’il
n’en desirast l’execution, & n’en fut executé
qu’il n’apportast du desastre & du malheur, tant
à celuy qui le donnoit, qu’à celuy qui le receuoit.

Ce fut le sort miserable auquel tomba la vie
d’Abrin fauory de Solyman, pour auoir destourné
les armées du Turc, & les faire porter d’Europe
en Asie. Ce grand homme estant logé au
Dome de sa fortune, ayant par son conseil mis
en l’esprit du grand Seigneur son Maistre, de
faire guerre à Tammar Ismaëlite Roy de Perse
(par lequel il fut deffait à Bethlis, & perdit
son armée) se vid égorgé par la main cruelle
d’Asanagas, si-tost qu’il fut arriué à Constantinople.

L’Empereur Charles V. apres la conqueste
victorieuse des Turcs en Barbarie, retournant