Anonyme [1649], L’OYE ROYALLE TIRÉE DEVANT LEVRS MAIESTEZ. PROSOPOPÉE: OV, L’OYE QVI PARLE. , françaisRéférence RIM : M0_2586. Cote locale : C_8_11.
Page précédent(e)

Page suivant(e)

-- 7 --


Tout retentit de cris de joye,
Ah que ie suis vne sotte Oye
De ne comprendre aucunement
Quel doit estre l’euenement
De tant de Troupes ramassées,
I’en forme d’étranges pensées,
Et le cœur m’en tremble tousiours :
Helas quel grand bruit de Tambours !
Helas quel grand bruit de Trompetes,
Ces affaires sont bien secretes
Pour mon pauure petit cerueau.

 

 


Mais-pourquoy ce combat nouueau ?
Voicy des Gens sur la Riuiere
Qui vont d’vne façon Guerriere
Iouster sur le bout d’vn Bateau
Pour se faire tomber dans l’eau.
Voicy desia l’vn qui balance,
L’autre tient bon, l’autre s’élance,
L’autre choque auec grand effort ;
Ah que ce pourpoint noir est fort,
Il en a mis demi-douzaine
Pour le moins desia dans la Seine !
Mais il est enfin abatu
Apres auoir tant combatu :
Voila sur tous ce bonnet rouge,
Qui de son lieu iamais ne bouge,
Et met tous les autres à bas,
Qu’il a bon pié, qu’il a bon bras,
Il se tient ferme comm’vn Diable
Auec vne adresse incroyable.
O Cieux l’étrange passe-temps,
Ah que ces Bourgeois sont contens,
Ils considerent ce spectacle
Comm’ils feroient vn grand miracle,
Page précédent(e)

Page suivant(e)

Anonyme [1649], L’OYE ROYALLE TIRÉE DEVANT LEVRS MAIESTEZ. PROSOPOPÉE: OV, L’OYE QVI PARLE. , françaisRéférence RIM : M0_2586. Cote locale : C_8_11.