Anonyme [1649], L’OYE ROYALLE TIRÉE DEVANT LEVRS MAIESTEZ. PROSOPOPÉE: OV, L’OYE QVI PARLE. , françaisRéférence RIM : M0_2586. Cote locale : C_8_11.
Page précédent(e)

Page suivant(e)

-- 6 --


Icy l’vn gaigne vn grand Bâteau,
L’autre tombe en trauersant [illisible.]
Ie voy là cette Damoiselle
Trousser sa cotte auec grand zele,
Et monstrer plus que les genoux.
I’aperçoy là de ieunes foux
Qui sans doute ont querelle ensemble,
Qu’ils font de bruit, helas ie tremble !
Ce sont de ces méchans Laquais
Qui troublent si souuent ma Paix.
Mais que veut cette Flote entiere
Qui vient & va sur la Riuiere ?
Pourquoy ces Bateaux si bien peints ?
On doit auoir de grands desseins
Puis qu’on fait vn tel équipage,
Peut-estre on prepare vn Voyage
Pour faire aller des Habitans
En Canada par ce beau-tems.

 

 


Qui sont ces Gens aux gregues blãches
Auec leurs mains dessus les hanches
Qui font icy tant les fendans,
Que i’ay belle peur de leurs dents,
Il me semble que leur courage
Ne s’appreste qu’à mon dommage.

 

 


Mais, ô Dieux ! qu’est-ce que ie voy,
Est-ce là par hazard le Roy ?
Ouy, c’est Luy, si ie ne me trompe
Qui paroist auec tant de Pompe
Suiuy de tous les Gens de Cour
Auec ses Gardes à l’entour,
Ie regarde qu’à sa venuë
Tout le monde a la teste nuë,
Et par tout, dont i’ay grand effroy,
I’entens crier, Viue le Roy,
Page précédent(e)

Page suivant(e)

Anonyme [1649], L’OYE ROYALLE TIRÉE DEVANT LEVRS MAIESTEZ. PROSOPOPÉE: OV, L’OYE QVI PARLE. , françaisRéférence RIM : M0_2586. Cote locale : C_8_11.