Anonyme [1649], L’EQVIPROQVO DE L’AVTRE MONDE, SVR L’ARRIVEE DV MAZARIN. ET L’ARREST IRREVOCABLE RENDV
contre ce Cardinal du mesme nom. VN COVRIER ARRIVE DEPVIS PEV de l’autre monde, m’en a apris des nouuelles, dont ie vous veux faire part mon cher Damon, si vous l’auez
pour agreable, voicy à peu pres ce qu’il m’a dit. , françaisRéférence RIM : M0_1272. Cote locale : C_6_80.
-- 3 --
L’EQVIPROQVO DE L’AVTRE MONDE,
sur l’arriuée du Mazarin.
LE Cardinal de Richelieu qui a esté
l’vn des plus subtils & des plus adrois
homme de son temps, se voyant
prest à passer la barque vniuerselle,
pensa en luy mesme, que si il estoit
recogneu, il auroit de grands comptes
à rendre, veu la quantité d’affaires qui luy ont
passé par les mains, & dont quelques-vnes ont esté
trop delicates. Pourquoy esuiter, il s’aduisa de se déguiser
en bon Hermitte, & tascher par cette inuention
de passer sans estre obligé à vn si long examen ; ce
qui luy a reüssi si heureusement qu’il passa, & fut admis
dans les champs Elizées, au Palais de la felicité.
Mais Pluton fasché de cette tromperie & pour en empescher
de pareilles, a ordonné qu’a l’auenir il y seroit
pris garde de plus pres, tellement que pour y donner
ordre, & ioinct à cela que depuis les guerres, cette
Maiesté diuine a oüy parler si differemment des malheurs
arriuez en France par l’iniustice du Cardinal
Mazarin, que pour esuiter toute surprise, il a fait mettre
vn corps de garde aduancé au de là de la Barque
de Caron, afin que quand ce Cardinal viendra (ce
qu’on attend dans peu) il soit receu & traitter comme
il le merite.
Anonyme [1649], L’EQVIPROQVO DE L’AVTRE MONDE, SVR L’ARRIVEE DV MAZARIN. ET L’ARREST IRREVOCABLE RENDV
contre ce Cardinal du mesme nom. VN COVRIER ARRIVE DEPVIS PEV de l’autre monde, m’en a apris des nouuelles, dont ie vous veux faire part mon cher Damon, si vous l’auez
pour agreable, voicy à peu pres ce qu’il m’a dit. , français Référence RIM : M0_1272. Cote locale : C_6_80.
|