Pour loger la tranquillité
Dans nostre vaisseau tourmenté
Allez pillottes à goguettes
Vrays Philosophes à sornettes,
Vrayment nous serions de grands foux,
De nous laisser conduire à vous
A vous desgueulleurs de bourrasques
Donneurs de bourdes & de frasques,
Qui pour animer aux combats
Mentez aussi long que le bras
Si nos testes estoient si sottes,
De defferer à vos marottes,
Si nous vous auions escoutez,
Si vous nous auiez embastez,
Nous aurions eu le temps de plaindre ;
Vous auriez eu celuy de craindre,
Nos furieux ressentimens
De vos lasches raisonnemens,
Composez à perte d’alaine ;
Vous auriez tost porté la peine
Parbieu vous en auriez paty
Diable ie n’aurois pas manty
Si nous eussions cessé de rire ;
Vous eussiez tost finy d’escrire :
Mais enfin tout à mieux esté
Le nuage s’est escarté,
Faiseurs de prose à la douzaine
Faiseurs de vers à la centaine,
Grands Escriuains du temps passé,
Ou doncques auez vous laissé
Depuis que la paix est venuë,
Vostre manie entretenue,
Vostre sçauoir duquel dit-on ;
Vous attrapiez quelque teston,
En bonne foy faut-il qu’on pense,
Que vous ayez aymé la France,

Page précédent(e)

Page suivant(e)