Qui la mẽnaçoient de perir
Sans la sauuer ny la guerir,
Et cependant esprits malades
Testes de bonde & de gambades,
Vous pretendiez par vos discours,
Luy procurer vn prompt secours,
Vrayment vous auiez bien la mine
D’arrester la rage intestine ;
Sous qui nous allions succomber
L’estat estant prest à tomber
Que faisiez vous soufflant la guerre,
Qu’acheuer de le mettre à terre,
La guerre ce fier animal
Qui fait tant de peur & de mal,
Qui brusle qui tuë qui casse
Qui tout reduit à la besasse,
Qui porte son harpie main,
Iusques aux herbes du iardin,
Apres auoir vuidé sa chambre
De diamant, & d’or & dambre,
De vaisseaux d’argent & destain,
De lits de Damats de satin,
De tapisseries de chaises
De coussins ou l’on prend ces aises,
De tableaux ou l’on voit dépeints
Les mesmes effets inhumains,
D’autres guerres iadis cruelles
A present à la veuë belles,
Enfin de tout ce qui se voit
Qui prendre se peut ou se doit,
Car les murs sans trop entreprendre
Ne peuuent ny doiuent se prendre :
Mais quant tout le meilleur est pris
On les laisse gardé au logis,
Quoy donc cette guerre barbare
Estoit vne inuention rare,

Page précédent(e)

Page suivant(e)