Et fait voir que la paix s’approche,
Mais elle n’est pas dans la coche,
Ny preste encore d’y rentrer,
Son dessein est de nous frustrer,
Du bon-heur de viure en nostre aise,
Cheres Nymphes mais qu’il vous plaise
I’ay dessein de vous aduertir,
Des grands maux qu’il fait ressentir
A tous les Habitans des Gaules,
Qui portent dessus leurs espaules,
Le pesant fardeau de douleur
Que leur cause ce grand voleur :
Car en premier lieu la Noblesse
Est reduite en grande detresse,
Lors qu’elle void qu’vn Italien,
Qui n’est pas plus homme de bien
Qu’vn grand brigand de l’Italie,
Les Gentilshommes humilie
Par vn desdain & par mespris,
Comme s’ils estoient des pieds gris,
Et de qui la race ancienne
Se monstra semblable à la sienne,
Il les fait viure sans employ,
Et donne les Ordres du Roy
A des personnes sans merite,
C’est ce qui la Noblesse irrite,

Page précédent(e)

Page suivant(e)